Elordada Turan dańǵylynyń ýchaskesi ishinara jabylady

ASTANA. KAZINFORM – Astana qalasy Kólik jáne jol-kólik ınfraqurylymyn damytý basqarmasy Hýseın ben Talal kóshesinen Juldyz aınalymyna deıingi ýchaskedegi Turan dańǵylyndaǵy jol tósemine ortasha jóndeý jumystarynyń júrgiziletinin málim etti. 

Elorda ákimdigi resmı saıtynyń málimetinshe, qozǵalys 28-30 shilde aralyǵynda ishinara jabylady.

Bul rette avtokólik quraldarynyń qozǵalysy bir baǵytta (áýejaıdan qalaǵa qaraı) júzege asyrylady.

Jóndeletin ýchaskede eskertý belgileri, merdiger uıym basshysynyń baılanys aqparaty jazylǵan stendter qoıylady.

Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy.