Elordada turaqta turǵan kólik órtendi
NUR-SULTAN. QazAqparat – Elordanyń sol jaǵalaýynda turaqta turǵan kólik órtenip ketti. Bul týraly Nur-Sultan qalalyq tótenshe jaǵdaılar departamentinen málim etti, dep habarlaıdy QazAqparat tilshisi.
«Búgin saǵat 15:50-de Nur-Sultan qalalyq tótenshe jaǵdaılar departamentiniń quramynda 5 maman men 1 tehnıka bar órt sóndirý bólimshesi Esil aýdanynyna, Máńgilik el dańǵyly 18-úıdiń janyndaǵy shaqyrtýǵa bardy. Oqıǵa ornyna jetken kezde kólik turaǵynda turǵan «Mazda» markaly avtomobıldiń órtenip jatqany anyqtaldy. Órt saǵat 16:03-te sóndirildi. Qaza tapqandar men zardap shekkender joq», - delingen atalǵan vedomstvo baspasóz qyzmeti taratqan aqparatta.
Sonymen qatar departament qazirgi ýaqytta órttiń neden shyqqan anyqtaý jumystary júrgizilip jatqandyǵyn atap ótedi.
