Elordada Tuńǵysh Prezıdenttiń tuńǵysh kitaphanasy salynyp jatyr - M. Qul-Muhammed
ASTANA. 24 qańtar. QazAqparat /Qanat Mámetqazyuly/ - Elordada Tuńǵysh Prezıdenttiń tuńǵysh kitaphanasynyń qurylysy júrip jatyr.
Búgin Qazaqstan Respýblıkasynyń Memlekettik hatshysy Muhtar Qul-Muhammed elordadaǵy Prezıdenttik mádenıet ortalyǵynda bolyp, onyń ujymyna jańadan qurylǵan «Nazarbaev ortalyǵy» kópfýnktsıonaldy ǵylymı-taldaý jáne gýmanıtarlyq aǵartý memlekettik mekemesiniń dırektory Qanat Saýdabaevty tanystyrý barysynda osylaı málim etti.
«Qazirgi tańda elordada Tuńǵysh Prezıdenttiń tuńǵysh kitaphanasynyń qurylysy zor qarqynmen júrip jatyr. Bul elimizdegi asa aýqymdy nysannyń biri. Máselen, bizdiń ortalyq murajaıymyzdyń kólemi 8 myń sharshy metr bolatyn bolsa, jańa qurylys nysanynyń kólemi 32 myń sharshy metrdi qurap otyr. ıAǵnı jańa kitaphananyń aýqymy ortalyq muraǵattan 4 ese artyq», - deıdi M. Qul-Muhammed.
Onyń aıtýynsha, jańadan qurylǵan «Nazarbaev ortalyǵy» Prezıdenttik mádenıet ortalyǵy men Elbasynyń jańa kitaphanasynyń basyn qosatyn bolady.
