Elordada túngi ýaqytta jumys istegen kompıýter klýbynda 43 adam bolǵan
4 qyrkúıek kúni saǵat 01:30-da Nur-Sultan qalasynyń Sátbaev kóshesinde bas sanıtar dáriger qaýlysyn buzý faktisi tirkeldi. Karantın sharalaryna qaramastan, kompıýter klýbynyń shaǵyn ǵımaratynda kóp adam júrgen. Olardyń arasynda kámelet jasyna jetpegen eki bala boldy.
Balalar túngi ýaqytta oıyn-saýyq ornynda eresektersiz júrgeni úshin olardyń ata-anasy QR Ákimshilik quqyq buzý týraly kodekstiń 442-babymen ákimshilik jaýapkershilikke tartyldy.
Kámelet jasyna jetpegenderdi túngi ýaqytta kirgizgen kompıýter klýbynyń ıesi QR Ákimshilik quqyq buzý kodeksiniń 132-babyna cáıkes 27 780 teńge kóleminde aıyppul tóleıdi.
Budan bólek, sanıtarlyq normalardy buzǵan kompıýterlik klýb ákimshiligine qatysty materıal jınalyp, protsessýaldyq sheshim qabyldaý úshin taýarlar men kórsetiletin qyzmetterdiń sapasy men qaýipsizdigin baqylaýbasqarmasyna jiberilgen.
Elordanyń polıtsııa departamenti azamattarǵa karantındi buzǵany úshin jaýapkershilik bar ekenin eskertip, sanıtarlyq normalardy saqtaýǵa shaqyrady.