Elordada «Túngi qaladaǵy balalar» sharasy barysynda 114 ákimshilik quqyq buzýshylyq anyqtaldy
ASTANA. 26 sáýir. QazAqparat /Jasulan Amanbaıuly/ - Astana qalasynda kámeletke tolmaǵandardyń arasynda quqyq buzýshylyqtyń aldyn alý maqsatynda ótken «Túngi qaladaǵy balalar» sharasy barysynda 114 ákimshilik quqyq buzýshylyq anyqtaldy.
Bul týraly búgin Іshki ister departamentinde ótken baspasóz máslıhatynda Qoǵamdyq qaýipsizdik basqarmasy bastyǵynyń orynbasary Qýantaı Omarbekov málim etti.
18-26 sáýir aralyǵynda ótkenaktsııanyń maqsaty - jasóspirimder arasyndaǵy quqyq buzýshylyqtardyń aldyn alý, balalar men jasóspirimderdiń túngi ýaqytta oıyn-saýyq mekemelerinde júrýlerine jol bermeý bolyp tabylady. Respýblıka aýmaǵynda «Túngi qaladaǵy balalar» atty aktsııa ótkiziletindigi jóninde budan buryn Іshki ister mınıstrligi habarlaǵan bolatyn.
Quqyq qorǵaý organdary ókilderiniń paıymdaýlarynsha, kámeletke tolmaǵandar arasyndaǵy quqyq buzýshylyqtardyń erte bastan-aq aldyn alýdyń tıimdi ádisterdiń biri - jasóspirimderdi zańdy syılaýǵa úıretip, olardyń quqyqtyq saýattaryn arttyrý bolyp tabylady.
«Shara barysynda 114 oıyn-saýyq oryndary, 16 túngi klýb, 53 dámhana, meıramhanalar, 45 kompıýterlik klýb jáne ınternet-kafe tekserildi»,-deıdi Q.Omarbekov.
«Tekserý barysynda oıyn-saýyq keshenderiniń, dámhanalardyń, meımanhanalardyń ákimshilikteri balalardy túngi ýaqytta kirgizýge múmkindik bergen úshin ákimshilik jazaǵa tartyldy. Іs-sharaǵa jergilikti atqarýshy organdardyń, bilim berý, densaýlyq saqtaý, ishki ister organdarynyń kúshteri jumyldyrylǵan»,-dep atap kórsetti ol.
Jalpy jyl basynan beri, Q. Omarbekovtyń aıtýynsha, aldyn alý esebine 8 bala tirkelip, 474-i ákimshilik jaýapkershilikke tartylǵan. 2011 jyly 324 otbasy áleýmettik jaǵdaıy tómen otbasylardyń esebine tirkelgen.
