Elordada túngi avtobýstar qozǵalysyn toqtatady

«Nur-Sultan qalasynyń halyqaralyq áýejaıynyń jumysy shtattyq rejımde qalpyna keldi. Osyǵan baılanysty, erteń, 9 tamyzdan bastap №10 baǵdardyń túngi avtobýstarynyń qozǵalysy toqtatylady. Baǵdar qalypty rejımde saǵat 6:00-den 23:00-ge deıin júredi», - delingen City Transportation Systems kompanııasynyń Facebook paraqshasynda jarııalanǵan aqparatta.

Eske sala keteıik, túngi avtobýstardy iske qosý týraly sheshim eloradalyq áýe aılaǵynyń túngi jumys rejımine ýaqytsha kóshýine baılanysty qabyldanǵan bolatyn.

Avtobýstar 15 shildeden beri qatynap júrgen edi.