Elordada tún jarymynda kóshe kezgen 30 balanyń ata-anasy aıyppul tóleıdi
NUR-SULTAN. QazAqparat – Kámeletke tolmaǵandar arasyndaǵy quqyq buzýshylyqtyń aldyn alý, balalar men jasóspirimderdiń zańdy ókilderiniń erip júrýinsiz túngi ýaqytta oıyn-saýyq mekemelerinde jáne úıden tys jerlerde bolýyna jol bermeý maqsatynda ıývenaldyq polıtsııa qyzmetkerleri jergilikti reıd ótkizdi, dep habarlaıdy QazAqparat Nur-Sultan qalasy PD baspasóz qyzmetine silteme jasap.
Tártip saqshylary qoǵamǵa qarsy áreketterdi anyqtaý maqsatynda aýlalardy, saıabaqtardy, skverlerdi jáne jastar men kámeletke tolmaǵandar jınalatyn basqa da oryndardy tekserdi.
Mysaly, saǵat 23:40-ta Nur-Sultan qalasy Esil aýdanynyń PB ıývenaldyq polıtsııa qyzmetkerleri Qonaev kóshesiniń boıyndaǵy ákimshilik ýchaskede saǵat 23:00-den keıin júrgen 17 jastaǵy jasóspirim anyqtaldy.
Jasóspirimniń zańdy ókiliniń qatysýymen QR ÁQBtK 442-baby 2-bólimi boıynsha ákimshilik hattama toltyryldy.
Eki kúnniń ishinde polıtsııa 23:00-den 06:00-ge deıin turǵynjaıdyń syrtynda zańdy ókilinsiz júrgeni úshin 30 azamatty ákimshilik jaýapqa tartty.
Sonymen qatar reıd barysynda ákimshilik jáne qylmystyq zańnama normalaryn túsindirý boıynsha profılaktıkalyq áńgime júrgizile otyryp, balalardyń quqyǵyn buzý faktilerin anyqtaý úshin nysandar tekserildi.
Osy jyldyń basynan beri tártip saqshylary kámeletke tolmaǵandardyń zańdy ókilderiniń erip júrýinsiz turǵynjaıdan tys jerde bolǵany boıynsha 2 600-ge jýyq, kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde bolǵany boıynsha 89 jáne kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde bolýyna jol bergeni boıynsha 53 adamdy ákimshilik jaýapqa tartty.
