Elordada tumaýmen aýrý ahýaly qalypty
ASTANA. 17 qańtar. QazAqparat - Astana qalasynda tynys joldary jáne tumaýmen aýrý jaıy bir qalypty. 2012 jylǵy 1 qazandaǵy málimet boıynsha, tynys joldary aýrýlarymen tirkelgender sany ótken epıdemıalyq maýsym kórsetkishterinen aspaıdy.
Bul týraly Memsanepıdqadaǵalaý Komıteti departamentinen habarlady.
astana.kz saıtynyń málimetinshe, bıylǵy epıdmaýsymda tynys joldary syrqatymen aýyrǵandar sany (23 600 adam) ótken jylmen salystyrǵanda 1,4 ese az (32872 adam).
Departament málimetteri boıynsha, negizinen tumaýmen (jalpy aýyrǵandardyń 77 %-y, olardyń 25 %-y bir jasqa deıingi búldirshinder) 14 jasqa deıingi balalar kóp aýyrady. Dárigerler kóbine tynys joldary syrqatymen jáne tumaýmen aýyrǵandardyń 1,6 %-yn quraıtyn júkti áıelderge de basa nazar aýdarady.
QR Densaýlyq saqtaý mınıstrligi Astana qalasy boıynsha Memlekettik sanıtarlyq epıdqadaǵalaý departamentiniń mamandary júrgizgen kúndelikti monıtorıng boıynsha tumaý epıdemıologııalyq kezeńinde keshendi sanıtarlyq-saýyqtyrý is-sharalaryn atqarý qajettigi naqty dáleldenýde. Ásirese, bul júkti áıelder men jasy 60-tan asqan adamdarǵa jáne sozylmaly ókpe, júrek qan-tamyrlary naýqastary bar balalarǵa asa qajet.
