Elordada tumaýǵa qarsy vaktsınatsııalaý naýqany bastalady
NUR-SULTAN. QazAqparat – Elordada erteńnen bastap alǵashqy medıtsınalyq-sanıtarlyq kómek kórsetý uıymyn erkin tańdaý naýqany ótedi. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy QazAqparat tilshisi.
«Jyl saıyn 15 qyrkúıekten 15 qarashaǵa deıin respýblıka boıynsha azamattardyń alǵashqy medıtsınalyq-sanıtarlyq kómek kórsetý uıymyn erkin tańdaý naýqany ótedi. Sonymen qatar, 15 qyrkúıekte halyqtyń densaýlyǵyn qorǵaýda asa mańyzdy is-shara - tumaýǵa qarsy vaktsınatsııalaý bastalady», - dedi ol elorda ákimdiginde ótken baspasóz máslıhatynda.
Onyń atap ótýinshe, alǵashqy medıtsınalyq-sanıtarlyq kómek kórsetý uıymdaryna tirkeý ambýlatorııalyq deńgeıde medıtsınalyq kómek kórsetý úshin negiz bolyp sanalady jáne kelesi prıntsıpter boıynsha júzege asyrylady:
1) aýmaqtyq qol jetimdilik;
2) alǵashqy medıtsınalyq-sanıtarlyq kómek kórsetý uıymyn erkin tańdaý;
3) alǵashqy medıtsınalyq-sanıtarlyq kómek kórsetý dárigerin (jalpy tájirıbe dárigeri, ýchaskelik terapevt, ýchaskelik pedıatr) erkin tańdaý;
4) otbasylyq qyzmet alý.
