Elordada tuńǵysh ret AІ-fılm festıvali ótkizilmek
ASTANA. KAZINFORM — Bıyl elimizde ıÝNESKO-nyń qoldaýymen jasandy ıntellekt boıynsha halyqaralyq olımpıada ótedi. Bul týraly elordadaǵy Táýelsizdik saraıynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıýmda Memleket basshysy Qasym-Jomart Toqaev aıtty.
— Bıyl tamyzda elimizde ıÝNESKO-nyń qoldaýymen jasandy ıntellekt boıynsha halyqaralyq olımpıada ótedi. Atalǵan bilim dodasyna 100 elden keletin oqýshylar men stýdentter qatyspaq. Buǵan qosa elimizde Dúnıejúzilik kóshpendiler oıyndary, Bolashaq oıyndary sııaqty biregeı jobalar dáriptelýde. Sondaı-aq osy jyly kúzde Astanada tuǵysh ret AІ-fılm festıvali ótkizilmek, — dedi Prezıdent.
Qasym-Jomart Toqaev elimizde jańa tsıfrlyq jáne kólik dálizderin, málimetterdi saqtaý ortalyqtaryn ashý úshin júıeli jumys istelinip jatqanyn atap ótti.
— Sol arqyly Uly jibek jolyn jańasha sıpatta jańǵyrtyp, kóne ǵasyrlardaǵy áıgili kitaphanalardyń zamanaýı nusqasyn usynýǵa múmkindik týady bul shyn máninde dástúr men jańashyldyq úılesim tapqan ozyq zamannyń kórinisi bolmaq, — dedi Memleket basshysy.
Prezıdent Altyn Orda sol kezeńdegi kóptegen memleketterge qaraǵanda óz damýynda strategııalyq ashyqtyq qaǵıdatyna berik bolǵanyna nazar aýdartty.
