Elordada týberkýlezge qarsy kúres fleshmoby uıymdastyryldy
ASTANA. KAZINFORM – «Han Shatyr» saýda jáne oıyn-saýyq ortalyǵynda týberkýlezben kúres taqyrybyna arnalǵan fleshmob uıymdastyryldy.
Balalar arasynda vıktorına, fotosýret kórmesi ótti. Qala turǵyndary men qonaqtaryna flıýorografııadan ótý usynyldy. №9 emhananyń rentgen-laboranty Aqerke Azmaǵambetovanyń aıtýynsha, jyljymaly flıýorograf qalanyń ár túpkirinde turǵyndardy tekserýden ótkizedi.
«Mundaı jyljymaly keshen kúnine 200-300 adamdy qabyldaı alady. Shalǵaıdaǵy aýyldarǵa da barýǵa bolady. Jumys kúnderi adamdar bosaı almaıdy jáne arnaıy tekserilýge barýǵa mán de bermeı jatady. Máselen, búgin demalys kúni. Emhanaǵa barmaǵandar dál qazir aqysyz negizde tekseriledi. Búgin flıýorografııadan ótkender tekserý nátıjesin bizdiń emhanadan alady ne elektrondy nusqada jiberemiz. Adam flıýorografııaǵa jylyna bir ret túsip turýy kerek. Keıbir mamandyqtarda jylyna eki ret túsý talap etiledi. Máselen, meniń kásibim densaýlyq saqtaý salasynda bolǵandyqtan, jylyna eki ret tekserilemin», - dedi ol.
Dúnıejúzilik týberkýlezge qarsy kúres kúnine oraılastyrylǵan naýqyn 24 naýryzǵa deıin jalǵasady.
