Elordada týberkýlezden emdelýshilerge qandaı áleýmettik qoldaý bar

ASTANA. QazAqparat – Astana qalasy sanıtarlyq-epıdemııalogııalyq baqylaý departamenti basshysynyń orynbasary Janna Pralıeva týberkýlez ınfektsııasyn juqtyryp, em alyp jatqan jandarǵa kórsetiletin áleýmettik qoldaý týraly aıtyp berdi, dep habarlaıdy QazAqparat tilshisi.

«Qalalyq maslıhattyń sheshimine sáıkes, 2001 jyldan bastap týberkýlezden ambýlatorlyq negizde em qabyldap jatqan jandarǵa júıeli túrde áleýmettik qoldaý kórsetilip keledi. Áleýmettik qoldaý buryn azyq-túlik sebeti jáne qoǵamdyq kólikte tegin júrý negizinde qarastyryldy. Al 2019 jyldyń ekinshi jarty jyldyǵynan bastap aı saıyn 10 AEK (aılyq eseptik kórsetkish) mólsherinde tólem berilip keledi», – dedi Janna Pralıeva Astana qalalyq kommýnıkatsııalar qyzmeti alańynda ótken baspasóz máslıhatynda.

«Týberkýlez ınfektsııasyn juqtyrǵan jandardy anyqtaý men jalpy jaǵdaıdy baqylaýda seriktes retinde úkimettik emes uıymdardy tartý mańyzdy. Atalǵan shara vedomstvoaralyq jáne sektoraralyq ózara is-qımyldy kúsheıtip, sapaly medıtsınalyq qyzmetterge qol jetkizýge múmkindik beredi. Ótken jyldan bastap Astana qalasynyń maslıhatymen áleýmettik tapsyrys sheńberinde týberkýlezben kúres jumystaryna úkimettik emes uıymdardy tartý sharalary qoldaý tapty», - deıdi ol.

Buǵan deıin habarlaǵanymyzdaı, týberkýlez juqtyrǵan astanalyqtardyń 53,9%-y eńbekke qabiletti jasta bolyp shyqty.

Aıta keteıik, 24 naýryz týberkýlezge qarsy dúnıejúzilik kúres kúni.