Elordada «True or False» medıasaýattylyq chempıonaty ótti
Іs-shara Jastar jyly aıasynda qazan-qarasha aılarynda Nur-Sultan qalasynda jumys istegen synı oılaý mektebi jumysynyń qorytyndysy bolyp tabylady. Mektep sheńberinde 14 pen 29 jas aralyǵyndaǵy 150-den astam jastar oqýdan ótti. Qatysýshylar kıberqaýipsizdik, medıasaýattylyq, IT, jýrnalıstıka salasyndaǵy jetekshi sarapshylardan dáris tyńdady.
«Men osy trenıngterde faktchekıng, fakenews nemese fake sııaqty máseleler týraly kóp maǵlumat aldym. Men buryn olardy shatastyratyn edim. Qazir men fakenews-di qalaı anyqtaýǵa bolatynyn bilemin. Oǵan qosa, men basqa adamdarmen tanysyp, jańa dostar taptym. Men osy trenıngterge qatysqanyma qýanyshtymyn»,-dep synı oılaý mektebiniń qatysýshy Asylhanova Marııa.
Trenıngterdi Assol Aqysheva, Janar Tólendınova, Erjan Baǵdatov, Álibek Tájibaev, Saıasat Ideıatuly, Aleksandr Polorotov, Nasıma Qorǵanbekova, Bekarystan Nurlanuly sııaqty óz isiniń mamandary ótkizdi.
«8 spıker men uıymdastyrýshylardyń komandasy ózimizdiń qatelikterimizdi kórýge jáne kóptegen nárselerge basqasha qaraýǵa múmkindik berdi. Bizdiń memlekette osyndaı jobalar kóp bolǵanyn qalaımyz»,-deıdi sharaǵa qatysýshy Nursulý Týǵanbekova.
Medıasaýattylyq boıynsha breın-rıng formatynda ótken chempıonatqa «Google», «Milky Way», «Medıaskop», «Entýzıasty», «Pıatyı element», «Drive», «AntıFeıkı», «Winners» komandalary joǵary deńgeıdegi daıyndyqpen keldi.
Tartysqa toly chempıonatta olar faktchekıng, feıknıýs, nasıhattaý, aqparattyq gıgıena jáne t. b. taqyryptar boıynsha alǵan bilimderimen saıysqa tústi.
Bul kúni KAZGıÝÝ ýnıversıteti erekshe atmosferaǵa toly boldy. Qatysýshylardy qoldap kelgen kórermender de erekshe belsendilik tanytty.
Júlden júırik bolyp 1-oryndy «Winners» komandasy, 2-oryndy «Entýzıasty» komandasy, 3-oryndy «Pıatyı element» komandasy ıelendi.
Jeńimpazdar dıplomdarmen, aqshalaı júldelermen jáne arnaıy syılyqtarmen marapattaldy.
