Elordada tozyǵy jetken qansha úı bar
NUR-SULTAN. QazAqparat - Elordada tozyǵy jetken 200-den astam turǵyn úı bar. Bul týraly Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Orta merzimdi keleshekte apatty, tozyǵy jetken úılerge qatysty másele sheshiletin bolady. Ótken aptada Dúkenuly kóshesi boıyndaǵy apatty jaǵdaıda tuǵan jataqhanada boldym. Turǵyndar qonys aýdaratyn jyldy atap berýdi suraıdy. Bizde mundaı 200-den astam úı bar jáne olarda adamdar turyp jatyr. Mine, aldymyzda osyndaı kúrdeli mindet tur», - dedi ol Nur-Sultan qalalyq máslıhatynyń otyrysynda.
Sonymen qatar qala basshysy turǵyndardy jumysmen qamtý máselesine de toqtalyp ótti.
«Jol kartasy arqyly ǵana sizderge 15 myń adamdy jumyspen qamtamasyz ettik. Karantın, lokdaýn kezeńinde qurylys kásiporyndary jumys istedi. Bıýdjet ashyqtyǵy boıynsha da jaqsy jumys atqardyq. Densaýlyq saqtaý júıesinde nemen jumys isteý qajettigin kórdik. Karantın kezeńinde jınaqylana tústik. Dárigerlerimiz de tájirıbeli bola tústi. Al pedagogtarymyz qazirgi ýaqytta úlken júktemin bastan ótkizip jatyr», - dedi Altaı Kólginov.
