Elordada «Toıota» mingen júrgizýshi kelinshek pen balany qaǵyp ketti
NUR-SULTAN. QazAqparat –Nur-Sultanda «Toıoto» kóliginiń júrgizýshisi kishkentaı balany qaǵyp óltirdi. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.
Departamenttiń baspasóz qyzmetiniń málimetine qaraǵanda, oqıǵa Abaı dańǵylynyń boıynda oryn alǵan. Beısekbaev kóshesi jaqtan Brýsılovskıı kóshesine qaraı bet alǵan «Toıota» avtokóliginiń júrgizýshisi jolaq aýystyrý kezinde tizginge ıe bola almaı, shamamen 3-4 jastaǵy balasy bar áıeldi qaǵyp, jer úıdiń úıdiń qorshaýyna soǵylǵan. Apat saldarynan bala oqıǵa ornynda kóz jumsa, áıel aýyr halde aýrýhanaǵa jetkizilgen.
«Osy oqıǵa boıynsha sotqa deıingi tergeý júrgizilýde. Qajetti sot-medıtsınalyq saraptamalar taǵaıyndaldy. «Toıota» avtokóliginiń júrgizýshisi qalalyq polıtsııa departamentiniń ýaqytsha ustaý ızolıatoryna qamaldy», - delingen departamenttiń dereginde.
