Elordada toı-tomalaq ótkizý tyıylmaı tur
NUR-SULTAN. QazAqparat – Koronavırýstyń órship turǵanyna qaramastan elordada toı-tomalaq ótkizetinder tyıylmaı tur. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«Qazirgi ýaqytta monıtorıng toptary kúndelikti reıd is-sharalary júrgizip, 100-den astam kásipkerlik nysandaryn qamtıdy. Bul rette jeke tulǵalar tarapynan da, kásipkerlik sýbektiler tarapynan da karantın is-sharalaryn saqtamaý faktileri anyqtalyp jatyr. ıAǵnı, tyıymdarǵa jáne koronvırs ınfektsııasy taralýynyń táýekeline qaramastan úılenýtoıy, týǵan kún, kóńildi keshter syndy buqaralyq is-sharalardy uıymdastyrý jáne ótkizý tyıylmaı otyr. Nysandarda kóp adam jınalady jáne áleýmettik araqashyqtyq pen sanıtarlyq normalar saqtalmaıdy», - dedi bas sanıtarlyq dáriger elorda ákimdiginde ótken brıfıng barysynda.
Onyń dereginshe, osy jyldyń 1 qańtary men 7 sáýiri aralyǵynda polıtsııaǵa shekteý is-sharalarynyń buzylǵany týraly 423 materıal túsken. Olar boıynsha is qaralyp, 29 mln teńgeden astam somaǵa 146 ákimshilik aıyppul salynǵan. 72 aıyppul qysqartylǵan tártippen 12 mln teńdegen astam mólsherde tólengen.
«Monıtorıng toptardyń jumysy karantındiń shekteý is-sharalarynyń buzylýyn anyqtaý jáne jolyn kesýge baǵyttalǵan», - dedi Sarhat Beısenova.
