Elordada tótenshe jaǵdaılar respýblıkalyq shtaby quryldy
NUR-SULTAN. QazAqparat – El aýmaǵyndaǵy keıbir óńirlerde aýa raıynyń jaısyzdyǵyna baılanysty tótenshe jaǵdaılardyń aldyn alyp, shuǵyl sheshim qabyldaý maqsatynda Nur-Sultan qalasynda arnaıy respýblıkalyq shtab quryldy, dep habarlaıdy QazAqparat tilshisi.
«Keshe 7 aqpan kúni aýa raıynyń kúrt ózgerýine baılanysty Tótenshe jaǵdaılar mınıstrliginiń krızıstik ortalyǵynda respýblıkalyq shtab quryldy. Munda TJM mamandary, odan bólek QazAvtoJol, Qazgıdromet jáne Qazaqavtodor uıymynyń qyzmetkerleri jumys isteýde. Respýblıkalyq shtabqa ár saǵat saıyn barlyq óńirden aýa raıy men jol qozǵalysyna qatysty tyń aqparat kelip túsedi, al osy jerdegi mamandar sol aqparatqa súıene otyryp, elimizdiń qaı aımaǵyndaǵy joldy ashý nemese jabý kerek degen sheshim qabyldaıdy. Shtab táýligine 24 saǵat kezekshilik rejımmen jumys istep jatyr», - dedi QR Tótenshe jaǵdaılar mınıstrliginiń resmı ókili Talǵat Ýálı elordada ótken baspasóz máslıhatynda.
Buǵan deıin TJM ókili jolda qalǵan 800-ge jýyq kólik ıesine kómek kórsetilgenin aıtqan bolatyn.
Sondaı-aq, elimizdiń Tótenshe jaǵdaılar mınıstrligi aýa raıynyń qolaısyzdyǵyna baılanysty jolaýshylarǵa eskertý jarııalady.
