Elordada tótenshe jaǵdaı rejımin buzǵan «baıkerler» tutqyndaldy
NUR-SULTAN. QazAqparat – Nur-Sultan polıtseıleri karantın rejımin saqtaýǵa arnalǵan reıd sharalary kezinde «Suzuki», «Yamaha», «Harley-Davidson», «Kawasaki», «Honda CBR» markaly mototsıklderdiń 15 júrgizýshisin ustady, dep habarlaıdy QazAqparat.
Olardyń árqaısysynda jumysqa baryp-qaıtýǵa ruqsat qaǵazy bar, biraq júrgizýshiler jumystan tys ýaqytta da qala ishindegi qozǵalysyn toqtatpaı, karantın rejımin buzǵan. Jazadan qashý úshin júrgizýshilerdiń keıbiri kóliginiń memlekettik nómirin baýmen jáne metall tormen jasyryp qoıǵan.
Nátıjesinde júrgizýshiler tehnıkalyq talaptarǵa saı emes jáne oqylmaıtyn nemese memlekettik nómirlerdiń ulttyq standartyna saı kelmeıtin kólik aıdaǵany úshin QRÁQBK 590-baby boıynsha ákimshilik hattama toltyryldy.
Sonymen qatar, polıtseıler keshki ýaqytta baǵdarshamnyń tyıym salynǵan túsine ótip ketken «Suzuki» markaly mototsıkldiń 32 jastaǵy júrgizýshisin ustady. Mototsıkldiń qujattaryn tekserý barysynda saqtandyrý polısi joq ekeni belgili boldy. Sot sheshimi boıynsha júrgizýshi QRÁQBK 476-baby 1-tarmaǵy tótenshe jaǵdaı rejımin buzǵany úshin 5 táýlikke qamaldy. Sonymen qatar ol JQE buzǵany úshin ákimshilik jaýapkershilikke tartyldy.
Tótenshe jaǵdaı rejımin buzǵan 5 júrgizýshige qatysty QRÁQBK 476-bap 1-tarmaǵy boıynsha ákimshilik is qozǵaldy, olardyń bireýi 5 táýlikke qamaýǵa alyndy.
Tártip buzýshylardyń kóligi, ıaǵnı mototsıklder kommýnaldyq turaqqa qoıyldy.
