Elordada tótenshe jaǵdaı kezindegi talaptardy oryndamaǵan 15 kásiporyn jabyldy
NUR-SULTAN. QazAqparat - Nur Sultan qalasynyń kásipkerlerin tótenshe jaǵdaı men karantın kezeńinde jumys algorıtmine sáıkes erejelerdi saqtaýǵa shaqyrdy, dep habarlaıdy QazAqparat tilshisi.
«Sanıtarlyq qaýipsizdik organdary elordada tótenshe jaǵdaı kezinde qoıylatyn talaptardy saqtamaǵan 15 kásiporyndy jaýyp tastady. Kásiporyndardan bıznestiń jumys bastaýyna ruqsat etken bılik pen memleket basshylyǵynyń senimin aqtap, áleýmettik jaýapkershilik tanytýdy suraımyz. Kásipkerler algorıtmge sáıkes kelip, tótenshe jaǵdaı kezinde jumys isteý tártibin qatań saqtaýy kerek. Biz dóńgelek jóndeý, kólik jýý jáne tehnıkalyq qyzmet kórsetý stantsııalary ashylǵanyn bilemiz. Ondaı jerlerde kólik dóńgelegin jóndetkisi kelgen, kóligin jýǵyzǵysy keletin kóp adam jınalady», - deıdi Nur-Sultan qalasyndaǵy Kásipkerler palatasy dırektorynyń quqyqtyq máseleler jónindegi orynbasary Qýanyshbek Muqash.
Onyń aıtýynsha, mundaı jaǵdaıda kásipkerler tutynýshylarynyń qaýipsizdigin qamtamasyz etýi kerek.
«Meıramhana men dámhana jumystaryna keletin bolsaq, taǵamdy óziń baryp alyp ketýge bolatyny týraly sybys taraǵan. Bul jaǵdaıda oǵan ruqsat etilmeıdi, tek mekenjaı boıynsha ózderi jetkizip berýleri kerek. Kóp dúken boıynsha tutynýshylar men memlekettik organdar tarapynan azyq-túlik alý jáne kezekke turý barysynda qaýipsizdik qamtamasyz etilmeıtini týraly shaǵym tústi. Odan keıin 2 metr araqashyqtyq saqtap, arnaıy belgiler qoıa bastady», - deıdi ol.
Eger áldebir adam koronavırýs juqtyryp alsa jáne kásiporyndar men bıznes nysanyna barǵan bolsa - onda ol karantınge jabylady.
«Biz de óz tarapymyzdan zańǵa baǵynyp, áleýmettik jaýapkershilik tanytýymyz kerek», - deıdi Qýanyshbek Muqash.
Nur-Sultan qalasy kásipkerler palatasynyń málimetinshe, karantın rejımin jeńildetkeli 3 000 kásipker jumysyn bastady.
