Elordada tońnyń tereńdigi – 92 sm, sý basý qaýpi bar ýchaske turǵyndaryna baspana ázirlendi

NUR-SULTAN. QazAqparat – Elordanyń tótenshe jaǵdaı qyzmeti tasqyn maýsymyna daıyndyq sheńberinde 12 myń tonna ınertti zat daıyndap otyr, dep habarlaıdy QazAqparat tilshisi.

Bul týraly Nur-Sultan qalasy TJD basshysynyń orynbasary Esen Baıyrov aıtty.

«Qazgıdromet» dereginshe, Esil ózeniniń aýdany 5300 sharshy shaqyrymdy quraıdy. 1 sáýirdegi jaǵdaı boıynsha qardaǵy sýdyń qory – 77 mm. Jınaqtalǵan ylǵal qorynyń kólemi 408 mln tekshe metr. Topyraqtyń qatý tereńdigi 92 sm. Bul 2020 jylǵa qaraǵanda 3 ese kóp», - dedi tótenshe jaǵdaı qyzmetiniń ókili.

Osyǵan baılanysty qala ákimdigi sý tasý qaýpi bar 29 ýchaskeniń turǵyndaryna arnap ýaqytsha baspanalar da ázirlep otyr.

«Sý tasqyny zardabynyń aldyn alyp, joıý úshin «Astana tazalyq» bazasynda 12 myń tonna ınerttik materıal qory jınalyp, 3,5 myń qap daıyndaldy. Tamaq jáne janarmaı jetkizýge 3 kelisim jasaldy. Onyń ishinde azyq-túlik jabdyqtaýǵa 2 kelisim, janarmaı boıynsha 1 kelisim jasaldy. Sondaı-aq, tótenshe jaǵdaı kezinde halyqty qonystandyrýǵa arnalǵan 4 qonaqúımen kelisim jasaldy jáne 1,5 myń adamǵa arnap 10 ýaqytsha ornalastyrý pýnkteri daıyndaldy», - dedi Esen Baıyrov.