Elordada «TOM: Nur-Sultan» kezekti meıkatonynyń birinshi kezeńi ótti
NUR-SULTAN. QazAqparat - Qazaqstan Respýblıkasy Táýelsizdiginiń 30 jyldyǵy aıasynda elordada Meıkaton «TOM: Nur-Sultan» áleýmettik jobasynyń birinshi IDEATHON kezeńi ótti, dep habarlaıdy QazAqparat qala ákimdiginiń resmı saıtyna silteme jasap.
IDEATHON – bul Nur-Sultan qalasynyń oqý oryndarynan qurylǵan komandalardyń múmkindigi shekteýli jandardyń ómirin jaqsartý boıynsha ózderiniń ıdeıalaryn qazylardyń aldynda tanystyratyn shara.
Nur-Sultan qalasy Jastar saıasaty máseleleri basqarmasynyń qoldaýymen ótken elordadaǵy Meıkatonnyń uıymdastyrýshylary – jyldaǵy dástúr boıynsha «Astana jastary» jastar resýrstyq ortalyǵy men QR Tel-Avıv ýnıversıteti dostar qaýymdastyǵy. Bıyl uıymdastyrýshylar qataryna «Astana International University» ýnıversıteti men «GreenTal» áleýmettik sheberhanasy qosylǵan.
Meıkatonnyń maqsaty – múmkindigi shekteýli jandardyń qoǵamǵa jáne olardyń qalypty ómirde uıymdarǵa beıimdelýi baǵytyndaǵy qoljetimdi baǵada usynylatyn yńǵaıly quraldardy qurý.
Qatysýshylar mynadaı ıdeıalaryn ortaǵa saldy:
- nashar kóretinderge arnalǵan qurylǵy. Ol belgili bir kedergige deıingi qashyqtyqty ólshep, qatty nemese álsiz vıbratsııa beredi;
- múgedekter arbasyn modıfıkatsııalaý;
- múgedekter arbasyna arnalǵan elektr jetegi. Ol protezderdi jeke qıystyrý boıynsha konstrýktorlyq bıýro;
- protezderdi jańǵyrtý boıynsha konstrýktorlyq bıýro.
Qazirdiń ózinde ekinshi kezeńge ótetin jobalardy irikteý júrgizildi. Komandalar múmkindigi shekteýli adamdarmen kezdesip, óz ıdeıalaryn pysyqtaıdy.
Sol sııaqty reabılıtologııa, hırýrgııa jáne IT salasyndaǵy mamandardan keńes ala alady.
