Elordada Tólebaev kóshesindegi ýchaskede qozǵalys ýaqytsha jabyldy
NUR-SULTAN. QazAqparat – Elordada joldy jóndeýge baılanysty M.Tólebaev kóshesindegi B.Momyshuly dańǵylynan R.Qoshqarbaev dańǵylyna deıingi jol qozǵalysy 21 sáýirden bastap toqtatyldy, dep habarlaıdy QazAqparat qala ákimdigine silteme jasap.
Qalanyń kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polıtsııa basqarmasymen birlesip, jol-qurylys jumystaryn bastady. Osyǵan baılanysty osy jyldyń 21 sáýirinen bastap B.Momyshuly dańǵylynan R.Qoshqarbaev dańǵylyna deıingi M.Tólebaev kóshesindegi qozǵalys jabyldy. Jol tósemin ortasha jóndeý jumystary osy jyldyń 30 sáýirine deıin júrgiziledi.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», - dep habarlady basqarma.
