Elordada «Tóle, Qazybek, Áıteke bıler portretteri» trıptıhynyń tusakeser rásimi ótti

Mádenı shara shymyldyǵyn ashqan ortalyq dırektory Myrzataı Joldasbekov «búgin qazaq halqynyń tarıhyna qatysty asyl murasyn ulyqtaǵaly otyrmyz», deı kelip, qazaq halqy, onyń baıtaq dalasy baǵzy zamandardan beri qaraı qandy joryqtardyń dalasyna aınalǵandyǵyn, ata-babalarymyzdyń altynnan saraı turǵyzǵanyn, altyn taqta otyryp, altynnan kıingenin, tipti mingen attarynyń ertoqymy men ábzelderinde altynmen aptaǵanyn atap ótti. Sonymen qatar ol qazirgi ýaqytta qazaq jerinen altynmen aptalǵan 67 at tabylǵanyn tilge tıek etip, sonyń barlyǵyn jınap, elorda tórindegi ortalyqqa jınasam degen armanym bildirdi. Sonymen qatar M.Joldasbekov «búkil dúnıejúzi tarıhynda bolmaǵan oqıǵa bolar edi» degen oıyn da jetkizdi. Odan ary búgingi sharaǵa oıysqan ol «qazaqtyń basyn qosqan, bizge osy kúngi birlikti, myzǵymaıtyn yntymaqty mıras, amanat etip qaldyryp ketken qazaqtyń kemeńger úsh bıi bar. Búgin qazaqty el qylǵan, ult qylǵan, halyq qylǵan, uıystyrǵan úsh danamyz Tóle, Qazybek, Áıteke bıler portretteriniń tusaýkeseri. Buny keńes zamanynda qınala júrip salǵan Toqbolat Toǵysbaev deıtin sol kezdegi ózimizdiń asa ardaqty sýretshimiz bolatyn», dedi.

Qazaqstannyń eńbek sińirgen óner qaıratkeri T.Toǵysbaev atalǵan trıptıhti jasaý barysynda bıler men olardyń syrtqy kelbetterine qatysty muraǵat málimetterin keńinen paıdalanyp, bılerdiń tikeleı urpaqtarynan, sonymen qatar qazaq ádebıeti men mádenıetiniń iri tulǵalary M.Áýezov, O.Súleımenov, H.Erǵalıevterden jáne basqa da mamandardan keńes alyp otyrǵan. Oralyqqa syıǵa tartylǵan bul óner týyndylary maıly boıaýmen salynǵan.

Sondaı-aq shara barysynda ıtalıandyq sýretshi Djýzeppe Kastılonıdiń «Qazaqtardyń Tsın ımperatoryna sáıgúlik syılaýy» atty týyndysy negizinde qyrǵyz sýretshisi salǵan óner týyndysynyń da tusaýkeser rásimi ótip, murajaı qoryna berildi.