Elordada toqtatylǵan kólikten 7 tapansha men 70-ke jýyq oq tabyldy
ASTANA. QazAqparat - Astanalyq tártip saqshylar qujat tekserý úshin toqtatylǵan «Toıota» avtokóligindegi kúdiktilerdiń qara tústi sómkesinen 7 travmatıkalyq tapansha men 67 oq tapty, dep habarlaıdy QazAqparat «Elorda ınfo» portalyna silteme jasap.
Astana qalalyq ІІD-niń málimetinshe, qolǵa túsken qarýlardy tekserý kezinde 6 tapanshanyń zaýyttan shyqqan nómiri óshirilgeni, al 1 qarýdyń Qaraǵandy oblysynda joǵalǵan qarýlar esebinde turǵany anyqtaldy. Qazirgi tańda saraptama taǵaıyndalyp, tekseris júrgizilýde. Al mashınada bolǵan 22 jáne 27 jastaǵy jolaýshylardyń buryn Qylmystyq kodekstiń «buzaqylyq» baby boıynsha sotty bolǵandary jáne olardyń 28 jastaǵy júrgizýshiniń tanysy ekeni anyqtaldy.
Atalmysh fakti boıynsha QR QK-niń 287-babymen sotqa deıingi tergep-tekserý amaldary júrgizilýde. Kúdiktilerdiń Astana aýmaǵynda jasalǵan basqa da qylmystarǵa qatysy bar-joǵy tekserilýde.
