Elordada tóbeles kezinde 17 jastaǵy bozbala kóz jumdy
NUR-SULTAN. QazAqparat – Nur-Sultan qalasynyń Kóktal shaǵyn aýdanynyń Bolashaq kóshesinde jastar tóbelesip, saldarynan 17 jastaǵy bozbala kóz jumdy, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
Oqıǵanyń bolǵany týraly habarlama 102 nómirine 10 qarasha túngi saǵat 22.56 kezinde túsken. Polıtsııa qyzmetkerleri kelgende bir top jastardyń arasynda týyndaǵan janjal tóbeleske ulasyp, 2 adam dene jaraqatyn alǵan.
«Eki adam dene jaraqatyn alǵan. Olardyń biri 17 jastaǵy J.Aǵadil pyshaq jaraqatyn alyp, jedel járdem kelgenshe kóz jumǵan. Qazir osy oqıǵa boıynsha Qazaqstan Respýblıkasynyń Qylmystyq kodeksiniń 99-baby 2-bóligi men 293-baby 3-bóligi boıynsha qylmystyq is qozǵaldy. Tóbeleske qatysqandardyń barlyǵyn anyqtaý jumystary júrgizilýde. Ustalǵandar tergelip jatyr», - dedi departamentten.
