Elordada TMD elderiniń shekarashylary birlesken is-qımyldardy talqylap jatyr

Jıynǵa Qazaqstan, Ázerbaıjan, Túrikmenstan, Ózbekstan Armenııa, Belarýs, Qyrǵyzstan, Reseı, Tájikstan shekara vedomstvolarynyń, sondaı-aq ShÁQK Úılestirý qyzmetiniń, TMD Atqarý komıtetiniń, Terrorızmge qarsy ortalyqtyń, TMD uıymdasqan qylmysqa qarsy kúres jónindegi úılestirý bıýrosy jáne ShYU Aımaqtyq terrorızmge qarsy qurylymynyń basshylary men sarapshylary qatysyp jatyr.

- Shekara áskerleri qolbasshylarynyń keńesi - búginde TMD keńistigindegi kópjaqty yntymaqtastyqtyń eń bedeldi, tıimdi ári qarqyndy damyp kele jatqan ınstıtýttarynyń biri. Osyndaı kezdesýlerdiń turaqtylyǵy jáne qarastyrylatyn mańyzdy máseleler TMD-daǵy shekara vedomstvolary naqty ári praktıkalyq nátıjelerge qol jetkizýge baǵyttalǵanyn aıqyn kórsetedi, - dedi TMD Bas hatshysynyń orynbasary Nurlan Seıtimov.

Onyń aıtýynsha, búgingi is-sharanyń kún tártibi TMD-ǵa múshe memleketterdiń shekara vedomstvolarynyń qyzmetine qatysty negizgi máselelerdi qamtıdy.

- Bul kezdesý ózara senim, qurmet jáne barlyq taraptyń múddelerin eskerý qaǵıdattaryna negizdele otyryp, syndarly ári nátıjeli ótetinine senimdimiz. Osy jıyn TMD elderi shekaralarynda turaqtylyqty qamtamasyz etýge jáne shekarashylar baýyrlastyǵyn nyǵaıtýǵa eleýli úles qosatyn bolady. TMD Atqarý komıteti TMD-ǵa qatysýshy memleketterdiń Shekara áskerleri qolbasshylary keńesine jan-jaqty qoldaý kórsete beredi, - dedi N.Seıtimov.

Atap aıtqanda, keńes otyrysynda TMD-ǵa múshe memleketterdiń syrtqy shekaralaryn qorǵaýdyń, aqparat almasýdy avtomattandyrýdyń, terrorızm men ekstremızmge qarsy is-qımyl salasyndaǵy yntymaqtastyq baǵdarlamasyn iske asyrýdyń, qylmyspen kúres jónindegi birlesken sharalardyń ózekti máseleleri talqylandy. Halyqaralyq is-sharanyń qorytyndysy boıynsha birqatar qujatqa qol qoıylmaq.

Eske salsaq, bıyl qazan aıynda Memleket basshysy Qasym-Jomart Toqaev TMD memleketteri basshylary keńesiniń otyrysyna qatysty.