Elordada TMD elderindegi eńbek tártibin retteý máseleleri talqylandy
Іs-sharaǵa TMD Atqarýshy komıteti ýákiletti jáne quzyretti organdarynyń, QR Eńbek jáne halyqty áleýmettik qorǵaý mınıstrliginiń, múddeli memlekettik organdar men uıymdardyń, jumys berýshiler men áleýmettik seriktesterdiń ókilderi qatysty.
Konferentsııany ashqan QR Eńbek jáne halyqty áleýmettik qorǵaý vıtse-mınıstri Aqmádı Sarbasov TMD-ǵa múshe memleketterdiń arasynda eńbek standarttary salasyndaǵy tájirıbe almasý eńbek qatynastary men adamı kapıtaldy odan ári damytýǵa yqpal etetindigin atap ótti.
«TMD Atqarýshy komıtetiniń úılesimdi jumysynyń nátıjesinde ár 5 jyl saıyn yntymaqtastyqtyń perspektıvalyq baǵyttary anyqtalyp, eńbek normalary boıynsha biryńǵaı normatıvtik qujattar jasalady. Bul baǵyttaǵy jumys jalǵasýda. Bizdiń elder arasyndaǵy yntymaqtastyq nátıjesi jan-jaqty ári jemisti bolatynyna senimdimin», – dedi ol.
Іs-shara barysynda TMD-ǵa múshe memleketterdiń eńbek, jumyspen qamtý jáne halyqty áleýmettik qorǵaý jónindegi konsýltatıvtik keńes hatshylyǵy basshysynyń orynbasary Olga Kremskaıa Dostastyq elderiniń áleýmettik-eńbek salasyndaǵy yntymaqtastyǵynyń nátıjeleri men aldaǵy mindetteri týraly sóz qozǵady.
Konferentsııada Reseıdegi, Belarýsııadaǵy, Ózbekstandaǵy, Túrkimenstandaǵy jáne Qazaqstandaǵy eńbek standarttarynyń tájirıbesi men osy baǵytta qabyldanǵan sharalardyń tıimdiligi qaraldy. Sondaı-aq, TMD elderinen kelgen delegattar eńbek normalary men eńbek standarttaryn ázirleý quraldaryna jańa kózqarastardy talqylady.
Otyrysqa qatysýshylar oqytý máseleleri men biliktilik júıesin damytýǵa erekshe nazar aýdardy. Osylaısha, Aqmádı Sarbasov Qazaqstanda Ulttyq biliktilik júıesin engizý, kásibı standarttar men olarǵa negizdelgen bilim baǵdarlamalaryn, sertıfıkattaý júıesin jáne mamandar biliktiligin baǵalaýdy ázirleý jáne engizý boıynsha jumys júrgizilip jatqanyn aıtty.
«Búginde biz ekonomıkanyń suranysqa ıe 12 salasy boıynsha 550 kásibı standart ázirledik, onyń 70-i bekitildi, al taǵy 480-in osy jyldyń sońyna deıin bekitý josparlanyp otyr. Kásibı standarttar jumysshylardan bastap, TOP-menedjerlerge deıin osy saladaǵy jumysshylarǵa qoıylatyn qazirgi zamanǵy biliktilik talaptaryn qalyptastyrady», – dedi vıtse-mınıstr.
Konferentsııany qorytyndylaı kele, onyń qatysýshylary TMD elderinde Eńbekti normalaý ınstıtýtyn odan ári damytý boıynsha usynystar jasady.
Eske sala keteıik, Reseı Federatsııasy, Belarýs Respýblıkasy mınıstrlikteri men bıznes ókilderiniń jáne Tájikstan Respýblıkasy elshiliginiń keńesshisiniń qatysýymen TMD-ǵa múshe memleketterdiń uıymdarynda eńbek normalaryn uıymdastyrý jáne eńbek ónimdiligin arttyrý máseleleri boıynsha Qazaqstan 2014 jyly postkeńestik keńistikte alǵash ret halyqaralyq semınar ótkizgen bolatyn.
Bul konferentsııany ótkizý týraly sheshimdi TMD Ekonomıkalyq keńesi 2016-2020 jyldarǵa arnalǵan TMD-ǵa qatysýshy memleketterdiń eńbek normalary salasyndaǵy yntymaqtastyqtyń tujyrymdamalyq sheńberin iske asyrýdyń negizgi sharalar josparyn bekite otyryp, 2016 jylǵy 9 jeltoqsanda Máskeý qalasynda qabyldady.
