Elordada TQO-daǵy órttiń saldarynan eki azamat zardap shekti
ASTANA. Shildeniń 5-i. QazAqparat - Elordada jeke turǵyn úıge japsarlas salynǵan TQO-dan shyqqan órttiń saldarynan eki azamat zardap shekti, dep habarlady QR Tótenshe jaǵdaılar mınıstrliginiń baspasóz qyzmetinen.
Vedomstvonyń taratqan aqparatyna sáıkes, tilsiz jaý «Mersedes» kóligin, TQO-nyń tóbe jabyndysyn jáne qorshaýyn sharpyp, 30 sharshy metrdi qamtyǵan.
«Órt ornynan 22 jáne 33 jastaǵy azamattar termııalyq kúıikpen aýrýhanaǵa jetkizildi», dep naqtylaı túsedi baspasóz qyzmeti.
Qyzyl jalyn QR TJM Astana qalalyq tótenshe jaǵdaılar departamenti órt sóndirý qyzmetiniń jeke quramyndaǵy 9 maman men 2 tehnıkanyń kúshimen jarty saǵattyń ishinde aýyzdyqtaldy.
