Elordada tisin emdetkennen keıin komaǵa túsken balanyń jaǵdaıy áli aýyr - DSM

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lıýdmıla Bıýrabekova elordada tis emhanasynda emdelip, shyqqannan keıin es-tússiz qalǵan qyz balanyń jaǵdaı týraly aıtty, dep habarlaıdy QazAqparat tilshisi.

«Qyz balanyń jaǵdaıy áli de aýyr. «Doktor Bro» klınıkasyna júrgizilgen tekseris týraly ótken aptada aıtylǵan edi. Oǵan medıtsınalyq qyzmet kórsetý kezindegi buzýshylyqtar ataldy. Barlyq materıal quqyqtyq baǵa berý úshin Nur-Sultan qalasynyń Polıtsııa departamentine jiberildi. Ary qaraı isti quqyq qorǵaý organdary sheshedi», - dedi Lıýdmıla Bıýrabekova OKQ-da ótken baspasóz máslıhatynda.

Eske sala ketsek, buǵan deıin QR Densaýlyq saqtaý mınıstri Eljan Birtanov elordanyń stamotologııalyq klınıkalarynyń birinde tisin emdetkennen keıin es-tússiz qalǵan balanyń jaǵdaıyn óz baqylaýyna alǵan bolatyn.

Aıta ketsek, elorda turǵyny Anastasııa Zelenaıa «Astana, hochý pohvalıt/pojalovatsıa» Facebook tobynda eki jarym jastaǵy balasynyń stamotologııalyq klınıkaǵa qaralǵannan keıin es-tússiz qalǵanyn jazǵan bolatyn. Bala eki aptadan beri esin jııa almaı jatyr.