Elordada tisin emdetkennen keıin, komaǵa túsken balanyń qazirgi jaǵdaıy aıtyldy

Nur-Sultan qalasyndaǵy №2 kópsalaly qalalyq balalar aýrýhanasy dırektorynyń orynbasary Aıdyn Áshimhanovtyń aıtýynsha, qyz bala jansaqtaý bóliminde jasandy tynys alý apparatyna qosylyp, traheotomııalyq tútikten dem alyp jatyr.

«Balanyń jaǵdaıy óte aýyr, turaqty. Nasharlaý belgileri joq. Barlyq qajetti terapııany tolyq kólemde alyp jatyr. Birneshe ret konsılıým jasaldy, neırohırýrgııa jáne nevrologııa salasyndaǵy úzdik sheteldik klınıkalarmen telekópirler ótkizildi. Emdeý taktıkasy boıynsha bári kelisilgen. Jaqynda Tatarstannan delegatsııa keldi jáne ondaǵy jetekshi balalar neırohırýrgi keńes berdi», - dedi Aıdyn Áshimhanov tilshilerge bergen suhbatynda.

Dárigerler áli kúnge deıin qyzdyń ne sebepti komaǵa túskenin aıta almaı otyr.

«Bul taqyryp kóp talqylandy, naqty eshteńe aıta almaımyn, biraq tis emhanasynda aǵza aýrýdy basatyn dárilerge reaktsııa bergen joq», - dedi aýrýhana dırektorynyń orynbasary.

Balaǵa mıdyń aýyr anoksıkalyq zaqymdanýy dıagnozy qoıyldy.

«Bala bizge 7 qańtarda jetkizildi. Búgin 29- kún jansaqtaý bóliminde, tynys alý apparattarynda jatyr. Bala komada bolǵandyqtan, apparat arqyly dem beriledi. Biraq temperatýralyq reaktsııasy joq, barlyq kórsetkishter turaqty jáne zerthanalyq taldaýdan aıtarlyqtaı aýytqý tabylmady», - deıdi dáriger.

Onyń aıtýynsha, ári qaraı emdeý sheteldik klınıkalar maquldaǵan kólemde jalǵasady.

Sonymen birge Aıdyn Áshimhanov balany shetelde emdeý týraly suraqqa jaýap berdi.

«Basqa elge tasymaldaý týraly aıtar bolsaq, bul óte qıyn másele. Bul tasymaldaý balanyń jaǵdaıyn nasharlatýy múmkin. Óıtkeni bala tynys alý apparatynda bolǵandyqtan, kez-kelgen qozǵalys ómirlik mańyzdy fýnktsııalarǵa yqpal etýi múmkin», - dedi Aıdyn Áshimhanov.

Eske sala ketsek, 7 qańtarda elordanyń stamotologııalyq klınıkalarynyń birinde 2 jasar qyz tisin emdetip, komaǵa tústi. Jaǵdaıdy QR Densaýlyq saqtaý mınıstri Eljan Birtanov óz baqylaýyna aldy.