Elordada tirkeýge qatysty 81 úıdiń ıesi jaýapkershilikke tartyldy
ASTANA. QazAqparat - Páterde turmaıtyn, biraq qujat boıynsha tirkeýde turǵany úshin 81 úıdiń ıesi ákimshilik jaýapkershilikke tartyldy, dep habarlaıdy qala ákimdiginiń medıa ortalyǵy.
2017 jyldyń sáýir aıynan Astanada kóshi-qon jáne jergilikti polıtsııa qyzmetiniń qyzmetkerleri esebinen mobıldi toptar qurylyp, jumys isteýge kirisken.
«Búgingi tańda 561 meken-jaı tekserýden ótti. Negizinde sol páterde turmaıtyn, biraq qujat boıynsha tirkeýde turǵany úshin 81 úıdiń ıesi ákimshilik jaýapkershilikke tartyldy. Páter ıeleriniń ótinishi boıynsha, 13 002 azamat tirkeýden shyǵaryldy», -delingen habarlamada.
Qazirgi ýaqytta Astanada resmı statıstıkaǵa jatpaıtyn 77 myń shetel azamaty jáne shamamen 200 myń azamat ýaqytsha tirkelgen.
Esterińizge sala keteıik, 28 maýsymda Áset Isekeshev Elbasynyń qabyldaýynda boldy. Kezdesý barysynda Prezıdent elorda turǵyndarynyń tirshilik áreketine baılanysty birqatar tapsyrma bergen bolatyn.
