Elordada «Tildaryn» qalalyq olımpıadasy ótýde

Astana qalalyq tilderdi damytý basqarmasynyń bastyǵy Erbol Tileshevtiń atap ótýinshe, 4 kezeńnen turatyn olımpıadanyń bastapqy kezeńine shamamen 70 adam qatysqan. Degenmen olardyń tek 12-si ǵana aqtyq márege jetip otyr.

«Birinshi kezeń áńgimelesý formatynda ótti. Al ekinshi kezeńde jazba jumysy boldy. Osy kezeńde qatysýshylarǵa esse jazý mindeti qoıylǵandyqtan, óte qıyn bolǵandyǵyn atap ótken oryndy. Óıtkeni qatysýshylardyń  birqatary qazaq tilinde erkin sóılegenmen, jazýǵa kelgende shorqaq ekendigin kórsetti», - dedi ol.

Olımpıadanyń búgin ótip jatqan aqtyq máresinde qatysýshylarǵa saýaldar qoıylady. Sonymen qatar, olar qazaq tilindegi mátindi birden orys jáne aǵylshyn tilderine aýdarýy kerek.

Qalalyq baıqaýdyń jeńimpazdary estelik syılyqtarmen marapattalyp, QR Mádenıet jáne aqparat mınıstrliginiń Tilderdi damytý komıteti uıymdastyratyn respýblıkalyq olımpıadaǵa joldama alady.