Elordada «Til tiregimiz, soǵyp turǵan júregimiz» degen taqyrypta dóńgelek ústel ótti

Saryarqa aýdandyq ákimdiginiń muryndyq bolýymen ótken shara barysynda ázirbaıjan, orys, tatar, káris, orys, ýkraın, qyrǵyz, ózbek ultynyń oqýshylary qazaq tiline baılanysty óz pikirlerin ortaǵa saldy. Sondaı-aq olar tilge qatysty qazaq aqyndarynyń óleńderin jatqa oqyp, oılaryn qazaq tiline qatysty naqyldarmen, maqal-máteldermen ushtastyra órbitti.

Til qaı halyqtyń bolmasyn, tarıhy men taǵdyry. Ol tálim-tárbıe negizi, qarym-qatynas quraly. Bizdiń búgingi bas qosýdaǵy negizgi maqsatymyz - qazaq tiliniń órkendeýine óz úlesimizdi qosý», deıdi mektep oqýshysy Mahına Eldasheva.

Mektep dırektory Janat Aıtovanyń aıtýynsha, búgingi dóńgelek ústel otyrysynda óz pikirlerin ortaǵa salǵan ózge ult ókilderi buǵan deıin qazaq tilinen aýdandyq, qalalyq baıqaýlarǵa qatysyp, júldeli oryndardan kóringen oqýshylar eken. Osydan 2 jyl buryn mektep ishinde shańyraq kótergen memlekettik til úıretý ortalyǵy qazirgi ýaqytta jemisti jumys jasap, onda birneshe ondaǵan ózge ult ókili til syndyryp úlgergen. «Sondaı-aq mektebimizde tilge qurmet, elge qurmet degen úıirme jumys istep, oǵan 150-den bala jazylǵan. Al búgingi dóńgelek ústel uıymdastyrýdaǵy negizgi maqsatymyz - el egemendigi belgisiniń biri memlekettik tildiń qoǵamdaǵy róli men mańyzyn arttyrý, qoldanys aıasyn keńeıtý, túrli ult ókilderiniń, qazaq tiliniń mártebesin joǵary kóterý», deıdi J.Aıtova.