Elordada The Spirit of Eurasia zamanaýı etnıkalyq mýzyka festıvali ótedi
NUR-SULTAN. QazAqparat - 5-6 shildede Qazaqstan astanasynda The Spirit of Eurasia 2019 zamanaýı etnıkalyq mýzyka festıvali ótedi, dep habarlaıdy QazAqparat.
Festıval EKSPO kórme kesheniniń jazǵy sahnasynda ótedi. Sahnaǵa Latvııa, Ońtústik Koreıa, Lıtva, Býrıatııa, Estonııa, Ýkraına, Zımbabve, Mozambık, Frantsııa, Aljır, Ispanııa, Týva Respýblıkasy, Reseı jáne Qazaqstannan 13 mýzykalyq ujymy shyǵady.
Festıval Nur-Sultan qalasy ákimdiginiń qoldaýymen Qazaqstandaǵy jastar jyly aıasynda uıymdastyrylyp otyr.
Festıval aýmaǵynda jərmeńke men sheberlerdiń etnıkalyq qalashyǵy ashylady. Kontsert qonaqtary qolónershiler usynatyn kıim-keshekter, mýzykalyq aspaptar men kədesyılar satyp ala alady.
Festıval kórermenderi men qonaqtaryna jandy daýystaǵy mýzykalyq týyndylarmen qatar, jobaǵa qatysýshy memleketter týraly ınteraktıvti fılmderden turatyn erekshe shoý usynylady. Kórermender zamanaýı tehnologııalarmen úılestirilgen dástúrli aspaptardyń erekshe únin tyńdaı alady.
Kontsert sahnanyń eki jaǵyna qoıylǵan úlken LED-dıspleılerden onlaın túrde kórsetiledi. Dástúr boıynsha, festıval The Spirit of Tengri jobasynyń YouTube-arnasynan tikeleı kórsetiledi.
