Elordada terrorıstik turǵydan osal 7 ǵımarat anyqtaldy
NUR-SULTAN. QazAqparat - Nur-Sultanda terrorıstik turǵydan osal nysandar tekserilip jatyr, dep habarlaıdy QazAqparat qalalyq polıtsııa departamentine silteme jasap.
Jyl basynan beri 130-ǵa jýyq nysan tekserilip, kemshilikterdi joıý úshin 40-tan astam uıǵarym engizilgen.
Terrorızmge qarsy qorǵaý talaptaryn oryndamaıtyn ártúrli sanattaǵy 7 nysannyń ıeleri QR ÁQBtK 149-baby boıynsha ákimshilik jaýapkershilikke tartyldy.
Mundaı talaptarǵa zamanaýı kúzet jabdyqtarymen jabdyqtaý, ótkizý rejımin qamtamasyz etý, kúzet fırmalarynyń qyzmetkerlerimen profılaktıkalyq jáne oqý is-sharalaryn júrgizý jatady.
Sondaı-aq, qyzmetkerler buryn anyqtalǵan buzýshylyqtardy joıý týraly nusqama engizilgen nysandardy qaıta tekserip júr.
Quqyq buzýshylyqtyń aldyn alý maqsatynda Nur-Sultan polıtseıleri turaqty negizde TTO nysan basshylarymen oqý-dáris is-sharalaryn ótkizedi, sondaı-aq terrorıstik qaýip týyndaǵan jaǵdaıda olardyń is-áreketi boıynsha jadynamalar tabys etildi.
