Elordada tennısten Prezıdent kýbogynyń jerebesi tartyldy
NUR-SULTAN. QazAqparat - Elordada Prezıdent kýbogy aıasynda erler arasynda ótetin ATP Challenger Tour týrnıriniń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, negizgi dodada qazaqstandyqtardan birinshi raketka bolyp tirkelgen Dmıtrıı Popko alǵashqy aınalymda jańazelandııalyq Rýbın Stethemmen oınaıdy.
Mıhaıl Kýkýshkın monakolyq Lýkas Katarınamen, Tımofeı Skatov irikteý saıysy jeńimpazdarynyń birimen, Denıs Evseev reseılik Alıbek Kachmazovpen kezdesedi.
Jarysqa arnaıy shaqyrtý alǵan Grıgorıı Lomakın ýkraınalyq Ilıa Marchenko, Beıbit Jýkaev japonııalyq Imaı Shıntaromen, Dostanbek Tashbolatov irikteý saıysynda jeńip shyqqandardyń birimen sheberlik baıqasady.
Taǵy tórt tennısshi irikteý saıystaryna qatysady. Arslanbek Aıtqulov estonııalyq Danııl Glınka, Islam Orynbasar men Nıkıta Sıdorov grýzııalyqtar Zýra Tkemaladze, Saba Pýrtseladze, Maksım Batıýtenko Belarýs ókili Ivan Lıýtarevıchke qarsy turmaq.
Qazaqstandyq tennısshiler sondaı-aq juptyq synda da óner kórsetedi.
Dástúrli Prezıdent kýbogy matchtary 17 shilde kúni bastalady.
Áıelder arasynda Prezıdent kýbogy aıasynda ITF Women's World Tennis Tour jarysynyń jerebesi 17 shildede ótkiziledi.
Eske sala keteıik, budan buryn Aleksandr Býblıktiń AQSh-taǵy jarystyń jartylaı fınalyna shyqqanyn jazǵan bolatynbyz.
Tennısshi Beıbit Jýkaev elordadaǵy jarystyń fınalyna shyqty.
Sondaı-aq ıÝlııa Pýtıntseva Býdapesht týrnıriniń fınalyna shyǵa almady.
