Elordada tennısten Prezıdent kýbogyna jerebe tartyldy
NUR-SULTAN. QazAqparat – Búgin, 17 shildede elordada «Prezıdent kýbogy» dástúrli halyqaralyq týrnıri bastalady. Ulttyq tennıs ortalyǵynyń jazdyq hard kordtarynda ATP Challenger Tour jáne ITF Women's World Tennis Tour serııalarynyń halyqaralyq týrnıri ótedi, dep habarlaıdy QazAqparat tilshisi.
Qazaqstan tennıs federatsııasynyń málimetinshe, keshe ATP Challenger Tour serııasyndaǵy erler týrnıriniń biliktilik, jeke jáne juptyq básekelerine resmı jerebe tartyldy.
Negizgi kestede qazaqstandyqtardyń ishinde Dmıtrıı Popko men Jańa Zelandııa ókili Rýbın Stethemmen, Mıhaıl Kýkýshkın monakalyq Lýkas Katarınmen, Al Tımofeı Skatov biliktik saıysynda jeńiske jetken tennısshimen oınaıdy. Denıs Evseev reseılik Álibek Kachmazovpen baq synaıdy.
Uıymdastyrýshylardan wild card alǵan tennısshilerdiń de qarsylastary belgili. Atap aıtqanda, Grıgorıı Lomakın ýkraınalyq Ilıa Marchenkomen, Beıbit Júkeev japondyq Imaı Shıtaromen kúsh synassa, Dostanbek Tashbýlatov biliktik synynan súrinbeı ótken oıynshyǵa qarsylas bolady.
Biliktilik synynda Qazaqstannyń tórt oıynshysy kortqa shyǵady: Arsylanbek Aıtqulov estonııalyq Danııl Glınkamen, Islam Orynbasar grýzııalyq Zýra Taemaladzemen, Nıkıta Sıdorov taǵy bir grýzııalyq Saba Pýrtseladzemen, al Maksım Batıýtenko belarýs Ivan Lıýtarevıchmen oınaıdy.
Juptyq synda jerebe nátıjesi mynadaı: qazaqstandyq Grıgorıı Lomakın men zımbabvelik Bendjamın Lıýk jarysty ekinshi aınalymnan bastaıdy. Arsylanbek Aıtqulov pen Maksım Batıýtenko Denıs Evseev (Qazaqstan) pen belarýs Ivan Lıýtarevıchpen, Beıbit Júkebaev pen reseılik ıAn Bondarevskıı estonııalyq Danııl Glınka jáne Karl Saarmen, Dmıtrıı Popka men ızraıldik Danıel Tsýkkerman Dostanbek Tashbýlatov pen Maksım Shınamen (Ózbekstan) kúsh synasady.
Al áıelder týrnıriniń jerebe tartý rásimi búgin ótedi.
