Elordada tennısten Prezıdent kýbogy aıasynda 3 halyqaralyq týrnır ótedi
NUR-SULTAN. QazAqparat – Elordadaǵy ulttyq tennıs ortalyǵynda «Prezıdent kýbogy – 2021» aıasynda ATP Challenger Tour jáne ITF Women's World Tennis Tour serııalarymen 11-18 shildede «Kerey Challenger 80» men «Tomiris W 60», 18-25 shildede «Zhanibek Challenger 80» halyqaralyq týrnırleri ótedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, topyraq jáne kógal tósenishterindegi dodalardan keıin «Prezıdent kýbogy – 2021» jarysy US Open aldynda hardta ótetin alǵashqy týrnır bolmaq.
Oǵan 100-den astam tennısshi qatysyp, baq synamaqshy.
Uıymdastyrýshylar týrnırlerge uly tulǵalardyń esimin berýdi jón kórdi. Áıelder jarysy ataqty saq patshasy Tomırıs, erler dodalary Kereı men Jánibek handardyń esimderimen ataldy.
Qazaqstan tennıs federatsııasynyń vıtse-prezıdenti ıÝrıı Polskııdiń aıtýynsha, «Prezıdent kýbogy» 1991 jyldan beri uıymdastyrylyp kele jatqan iri týrnır bolyp sanalady. 2007 jyldan jańa deńgeıge kóterilip, ATR chellendjer, sondaı-aq ITF Women’s serııasymen óte bastady. Dodaǵa kezinde Qazaqstannyń jetekshi tennısshileri Mıhaıl Kýkýshkın, Andreı Golýbev, Aleksandr Nedovesov, Aleksandr Býblık, ıÝlııa Pýtıntseva, ıAroslava Shvedovalar qatysty.
ıÝ.Polskııdiń sózine qaraǵanda, bıyl Denıs Evseev, Gózal Aınıtdınova, Dostanbek Tashbolatov, Jibek Qulambaeva, Grıgorıı Lomakın sekildi jas tennısshilerge múmkindik berilgeli otyr.
«Basty maqsat – jastarymyz tájirıbe jınaqtap, sheberlikterin shyńdaý úshin elordaǵa álemniń túrli elderinen jaqsy oıynshylardy tartý. «Prezıdent kýbogynda» kezinde qazirgi kezde úzdikter qataryna kiretin Danııl Medvedev, Andreı Rýblev, Karen Hachanov, Mıomır Ketsmanovıch, Sebastıan Korda syndy ataqty tennısshiler oınady. Bul joly da jarystyń deńgeıi joǵary bolýy úshin barymyzdy salamyz», dedi ıÝ.Polskıı.
Eske sala keteıik, budan buryn qazaqstandyq jas tennısshiniń Ýımbldon irikteý saıysynyń fınalyna shyqqanyn jazǵan bolatynbyz.
