Elordada tennısten áıelder arasynda iri halyqaralyq jarys ótedi
NUR-SULTAN. QazAqparat - Elordadaǵy Ulttyq tennıs ortalyǵynda 21-27 aqpan aralyǵynda Forte 60 Woman's halyqaralyq týrnıri ótedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, atalmysh jarystyń júlde qory 60 myń AQSh dollaryn quraıdy.
Týrnırge álemdik reıtıngte úzdik 100 jáne 200 tennısshiniń qataryna kiretin sportshylar qatysady.
Olardyń qatarynda álemniń 96-raketkasy, belgııalyq Gret Mınnen, sondaı-aq majarstandyq Tımeıa Babosh, ulybrıtanııalyq Herrıet Dart, japonııalyq Mııa Hontama, ýkraınalyq Darııa Snıgýr, ıspanııalyq Alena Bolshova, grýzııalyq Marıam Bolkvadze jáne basqalar bar.
Qazaqstan namysyn Jibek Qulambaeva, Gózal Aınıtdınova, Arýjan Saǵyndyqova, Dana Baıdáýlet, Ekaterına Dmıtrıchenko syndy tennısshiler qorǵaıdy.
Ótken jyly jazda elordadaǵy osyndaı týrnırde M.Bolkvadze úzdik shyqqan edi.
Eske sala keteıik, budan buryn ıÝlııa Pýtıntsevanyń Dýbaıda negizgi týrnırge shyǵa almaǵanyn jazǵan bolatynbyz.
M.Kýkýshkın Marselde negizgi týrnırge joldama aldy.
