Elordada «Temekiden qalaı bas tartýǵa bolady?» degen taqyrypta semınar-trenıngi ótkiziledi
ASTANA. 20 mamyr. QazAqparat - Astana qalasy Іshki saıasat basqarmasynyń qoldaýymen Astana qalasynyń jastar saıasatyn qoldaý qory Medıtsınalyq ýnıversıtetinde «Temekiden qalaı bas tartýǵa bolady?» degen taqyrypta semınar-trenıng ótkizbek.
Atalǵan is sharanyń maqsaty temeki shegýshilirge temekiden bas tartýǵa kómek uıymdastarý, jastardy temekige qarsy kúrestiń erejelerimen tanystyrý.
Uıymdastyrýshylardyń habarlaýynsha, semınar-trenıg negizgi 3 bloktan turady:
Aqparattyq blok: temekiniń zııany jáne temekiden bas tartý ádisteri jaıly baıandamalardan, zııandy ádetten zardap shekkenderdiń áńgimelerinen, sýretterden jáne beıne rolıkterden turady.
Róldik blok: semınarda ótkiziletin róldik trenıngtiń bastaýy bolyp tabylady. Róldik blok kez-kelgen stýdenttiń basynan ótetin ómirlik oqıǵanyń úlgisin kórsetedi. Róldik trenıng kezinde zaldaǵy barlyq qatysýshylar belsendi táýeldilikke qarsy turyp kóredi. Stýdentter usynylǵan temekiden sypaıy túrde bas tartýǵa, ortanyń áserine qarsy turýǵa jáne ózindik kózqarasyna sendirýge úırenedi.
Baıqaýlyq blok: Baıqaýlar eki túrge bólinedi: belsendi (temeki qorabyn qoqys jáshigine laqtyrý; kim birinshi barlyq temekini bir-birden syndyrady; jáne t.b.) jáne jaı (temekiniń zııany jaıly eń jaqsy tórt shýmaq óleń; temekiden bas tartýǵa eń kóp sebepter jáne t.b.).
