Elordada «Tekti sózdiń tóresi - terme» atty respýblıkalyq baıqaý ótedi
ASTANA. QazAqparat - QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi 2014-2016 jyldarǵa arnalǵan is-sharalar josparynyń 37 tarmaǵyn oryndaý maqsatynda «Tekti sózdiń tóresi - terme» atty respýblıkalyq termeshiler baıqaýyn ótkizýdi josparlaýda.
Astanadaǵy Qazaq Gýmanıtarlyq-Zań ýnıversıtetinde búgin bastalyp, erteń «Kongress-holda jalǵasatyn óner keshine elimizdiń barlyq óńiriniń termeshileri jańa termelerimen qatysyp, óz baqtaryn synaıdy.
Baıqaýdyń negizgi maqsaty - asyl sózdiń marjany men tereń oıdyń tunyǵyn áýezdi ánmen jetkizetin terme janryn paıdalana otyryp, halyqty birlikke, baýyrmaldyqqa, otanyn súıýge, tilin, dinin qurmetteýge shaqyrý.
