Elordada «Teatrly Eýrazııa» halyqaralyq festıvali ótti
ASTANA. KAZINFORM - Astanada eki kúndik «Teatrly Eýrazııa» halyqaralyq festıvali ótip jatyr, dep habarlaıdy elorda ákimdiginiń resmı saıty.
M.Gorkıı atyndaǵy Memlekettik akademııalyq orys drama teatrynda «HHІ ǵasyr teatry: ýaqyt synaqtary» forýmy ótti. Oǵan Mádenıet jáne aqparat vıtse-mınıstri Erbol Álıqulov, Astana máslıhatynyń tóraǵasy Erlan Kanalımov, Reseı Federatsııasynyń QR-daǵy Tótenshe jáne Ókiletti Elshisi Alekseı Borodavkın jáne Estonııa men Reseı teatrlarynyń basshylary qatysty.
«Festıvaldiń maqsaty – rýhanı dem berý jáne jańa tynys alý. Bul festıval bizdiń qalaǵa jasaǵan syılyǵymyz. Ózim osy jobanyń avtorymyn jáne qala ákimine qoldaý bildirgeni úshin zor alǵysymdy bildirgim keledi. Osynyń arqasynda Astana kóshe teatrlary festıvalin uıymdastyratyn Azııadaǵy alǵashqy jáne jalǵyz qala bolyp sanalady dep maqtanyshpen aıta alamyz. Munda mundaı is-sharalar formaty áli ótken joq, óıtkeni kóshe teatrynyń janry biz úshin jańa jáne biz ony kórermenderge usynǵanymyzǵa qýanamyz. Biz jurtshylyqty festıvalge shaqyramyz, sondyqtan turǵyndar arasynda óte tanymal ortalyq saıabaqty tańdadyq», – dep atap ótti «Beıbitshilik jáne kelisim» qorynyń prezıdenti Elmıra Şerbakova.
Forým barysynda Erlan Kanalımov elordadaǵy teatrlardyń rólin erekshe atap ótti.
«Teatr – myń jyldan astam ýaqyt boıy qalyptasqan erekshe jáne qundy óner túri. Ol qoǵamnyń áleýmettik damýynda mańyzdy ról atqarady, onyń artyqshylyqtary men kemshilikterin kórsetedi, sonymen qatar ýaqyttyń shyndyǵyn beıneleıdi jáne mańyzdy máselelerdi kórsetedi. Festıvaldiń barlyq qatysýshylary men ujymdaryn quttyqtaımyn! Olar úshin tolyq aýdıtorııa jınalýyn tileımin! Eki kún ishinde onnan astam teatr qala turǵyndaryn ashyq aspan astyndaǵy qoıylymdarymen qýantary anyq. Sahnalyq qoıylymdar qala turǵyndary men qonaqtary arasynda óz kórermenderin tabady», – dep atap ótti Erlan Kanalımov.
Aıta keteıik, festıval 6-7 shilde kúnderi qalalyq alańda, Esil ózeniniń jaǵasynda jáne Ortalyq saıabaqta ótedi. Baǵdarlama Qazaqstan, Reseı, Polsha, Estonııa jáne basqa elderdiń kóshe teatrlarynyń qoıylymdarynan turady.
«Teatrly Eýrazııa» festıvalinde «AspektR», «SoLý», «Chernyı kvadrat», «Mımıkrııa», Vokrug, «Korolevskıı jıraf» Murat Mýtýrganov teatry jáne basqa da ujymdar jarııalandy.
