Elordada tájik-aýǵan shekarasynda mert bolǵan qazaqstandyq jaýyngerlerge eskertkish ashyldy
ASTANA. QazAqparat - Elordadaǵy Otan qorǵaýshylar saıabaǵynda 1995 jyldyń 7 sáýirinde tájik-aýǵan shekarasyndaǵy urys barysynda qaza tapqan Іshki áskerlerdiń 17 jaýyngerine arnalǵan eskertkish ashyldy.
QR ІІM Іshki áskerleri baspasóz qyzmetiniń habarlaýynsha, qolynda avtomat ustaǵan qazaqstandyq jaýynger beınesiniń tómengi jaǵynda osydan 19 jyl buryn urys kezinde qaza tapqan sarbazdardyń esimderi jazylǵan.
«Sol kezde otyzdan astam áskerı qyzmetshi jaraqat aldy. Jeke quramdaǵy adam shyǵynyna qaramastan Іshki áskerlerdiń áskerı qyzmetshileri ózderiniń jaýyngerlik boryshtaryn abyroımen oryndap, belgili bir taraptyń banda tobyna tabandylyqpen qarsylyq kórsetti», - delingen habarlamada.
Eskertkishtiń ashylý rásimine Іshki áskerlerdiń bas qolbasshylyǵy men ardagerler, Parlament depýtattary, sheteldik áskerı attasheler, «Nur Otan» partııasynyń basshylyǵy, sonymen qatar elordadaǵy JOO-lardyń sýdentteri qatysty.
1993-1999 jyldary aralyǵynda QR Іshki áskerleriniń 2 myńnan astam áskerı qyzmetshileri TMD-nyń syrtqy shekarasyn qorǵaý jónindegi úkimettik tapsyrmany oryndady. Olar úshin 1995 jyldyń 7 sáýir qaraly kúnge aınaldy. Tájikstannyń Pshıhavr taý shatqalynda bandalyq toptyń qarýly tosqaýylyna tap bolǵan olardyń 17-si sol jerde qaza tapty. 4 saǵattan astam ýaqytqa sozylǵan urys barysynda 30-dan astam jaýynger jaraqat aldy. QR Prezıdentiniń Jarlyǵymen kóptegen jaýyngerler, onyń ishinde qaza tapqan 17 áskerı qyzmetshi orden, medaldarmen marapattaldy.
