Elordada «Taza Qazaqstan» ekologııalyq aılyǵy aıasynda aýmaqtardy tazalaý aktsııasy ótedi
ASTANA. KAZINFORM – Elordada «Taza Qazaqstan» aýqymdy ekologııalyq aılyǵy jalǵasyp jatyr. Onyń aıasynda elordada abattandyrý jáne kógaldandyrý boıynsha is-sharalar uıymdastyrylýda. 25 sáýir kúni qala boıynsha aýmaqtardy tazalaý aktsııalary ótedi, dep habarlaıdy elorda ákimdiginiń resmı saıty.
Atap aıtqanda, 25 sáýir kúni elordada aýlalardy sanıtarlyq tazalaý jumysy júrgiziledi. Onyń ishinde qoqys jınaý, úı mańyndaǵy aýmaqtardy, balalar jáne sport alańdaryn abattandyrý, sondaı-aq aǵash otyrǵyzý josparlanǵan.
Qala ákimdigi MIB (PIK), bıznes ókilderin, eriktilerdi jáne belsendi turǵyndardy aktsııaǵa qatysyp, qalalyq ortany jaqsartýǵa óz úlesterin qosýǵa shaqyrady.
Ekologııalyq aılyq tazalyq mádenıetin qalyptastyrýǵa, qorshaǵan ortaǵa uqypty qaraýǵa jáne turǵyndardyń aýlalar men qoǵamdyq keńistikterdiń jaǵdaıyna jaýapkershiligin arttyrýǵa baǵyttalǵan.
Árbir turǵyn men uıym kósheler men aýlalardy abattandyrýǵa úles qosyp, qalany taza, jaıly ári ekologııalyq turǵydan qolaıly ete alady.
Eske sala keteıik, buǵan deıin elordada aýqymdy ekologııalyq aılyq bastalatynyn habarlaǵanbyz.
