Elordada «TAZA FEST ASTANA» ekologııalyq festıvali ótti
ASTANA. KAZINFORM — Astana qalasyndaǵy Beıbitshilik jáne kelisim saıabaǵynda «TAZA FEST ASTANA» ekologııalyq festıvali ótti. Іs-shara Saraıshyq aýdanynda uıymdastyryldy, dep habarlaıdy elorda ákimdiginiń resmı saıty.
Іs-shara aıasynda ekologııalyq bastamalar, qoǵamdyq dıalog alańdary, tanymdyq kórmeler men mádenı-oıyn-saýyq baǵdarlamalary uıymdastyryldy.
Baǵdarlamada kitap kórmesi, LEGO qurastyrǵyshtary, ınteraktıvti tır, ústel oıyndary, sýret salý shyǵarmashylyq alańy jáne demalys aımaǵy qarastyrylǵan.
Qatysýshylar ekologııalyq jobalaryn, robot úlgilerin, «jasyl qala» maketterin, sý men aýany tazartý júıelerin jáne qorshaǵan ortany qorǵaýǵa baǵyttalǵan ózge de tyń ázirlemelerin tanystyrdy.
— Kún kózinen qýat alatyn jobamdy alyp kelip otyrmyn. Ustazdarymnyń keńesine qulaq túre otyryp, osy jobany jasap shyqtym. Endi buǵan qyzyǵýshylyq tanytatyn adamdar bolady dep esepteımin. Eger osy jobam júzege asatyn bolsa, tıgizer paıdasy orasan, — dedi M. Áýezov atyndaǵy № 86 mektep-gımnazııasynyń 9-synyp oqýshysy Sábına Serımhan.
Festıval barysynda ekoónimder jármeńkesi men «Marwin» qoldaýymen uıymdastyrylatyn balalar men otbasylarǵa arnalǵan oıyn-saýyq aımaǵy, arnaıy kórme sap túzegen.
Sonymen qatar, «Zań jáne tártip — esirtkige jol joq!» aqparattyq-profılaktıkalyq ashyq alańy ornalasqan.
Buǵan deıin Astana kúnine oraı elordada qandaı sporttyq is-sharalar ótetinin jazǵan edik.
