Elordada táýligine koronavırýstyń 150 jańa oqıǵasy tirkelýde

«Bıylǵy 24 maýsymdaǵy jaǵdaı boıynsha elordada ınfektsııanyń 3546 jaǵdaıy tirkeldi. Sońǵy jeti kúnde táýligine ortasha eseppen koronavırýs ınfektsııasynyń 150 jańa oqıǵasy tirkelýde. Onyń ishinde 50 paıyzy sımptomsyz jaǵdaıda. 2577 patsıent nemese aýyrǵandardyń 73 paıyzy emdelip shyqty, sońǵy táýlikte 76 adam», - dedi S. Qısyqova Ortalyq kommýnıkatsııalar qyzmetinde.

Budan buryn habarlanǵandaı, basqarma basshysy elordada jedel járdem qyzmetine júkteme artqanyn aıtty.

Aptasyna turǵyndardan 28 myń ótinish kelip túsken. Sońǵy táýlikte bul kórsetkish 4,5 myńǵa deıin jetti. Qyzmet kórsetilgen shyqyrýlardyń sany 18 myńǵa jýyqtap, keshe 2,8 myń boldy. Sonyń ishinde aptasyna koronavırýs juqpasyna baılanysty 4 438 qońyraý shalyndy. Keshe 1300 shaqyrtý boldy», - dedi S. Qısyqova Ortalyq kommýnıkatsııalar qyzmetinde.