Elordada táýligine 80-ge deıin KVI jaǵdaıy tirkeledi

NUR-SULTAN. QazAqparat – Elordada jyl basynan beri 135 myńnan astam adam koronavırýs ınfektsııasymen aýyrdy. Bul týraly Nur-Sultan qalasynyń bas memlekettik sanıtar dárigeri Sarhat Beısenova aıtty, dep habarlaıdy QazAqparat tilshisi.

«Sońǵy aptada aýyrǵandar sanynyń ósýine baılanysty Nur-Sultan qalasynda COVІD-19 aýrýshańdyǵy turaqsyz dep baǵalanady. Tirkeletin jaǵdaılardyń sany kúnine 65-ten 80-ge deıin aýytqýda. Sońǵy aptada syrqattanýshylyq deńgeıi aldyńǵy aptadan 2,90 paıyzǵa joǵary, 100 myń turǵynǵa shaqqandaǵy qarqyndy kórsetkish 47,8 sanyn quraıdy. Tıisinshe, 23 jeltoqsannan bastap qala epıdemıologııalyq jaǵdaıdy baǵalaý matrıtsasy boıynsha «jasyl» aımaqtan «sary» aımaqqa aýysty», - dedi ol qala ákimdiginde ótken baspasóz máslıhatynda.

Onyń atap ótýinshe, bul mereke kúnderinen keıin únemi baıqalatyn kórinis. Koronavırýs ınfektsııasyn tirkeýdiń negizgi sebepteri - turǵyndardyń karantın sharalaryn saqtamaýy. ıAǵnı, mundaı jaıt adamdar kóp jınalatyn oryndarǵa barýynan, betperde kııýdi elemeýden, patsıentterdiń de, jaqyn baılanysta bolǵan adamdardyń da úı karantıni rejımin saqtamaýynan oryn alady.

«Táýligine alǵashqy zerthanalyq rastalǵan KVI-diń 68 jaǵdaıy tirkeldi, sımptomdary bar - 59 jaǵdaı, 9 - sımptomsyz. Ósim 0,04 paıyz. Osy jyldyń basynan beri qala boıynsha COVІD-19-dyń 135 184 jaǵdaıy, pandemııa bastalǵannan beri 153 704 jaǵdaıy tirkeldi», - dedi Sarhat Beısenova.