Elordada Táýelsizdik dańǵylyndaǵy jańa kópir ashyldy
Astanada Táýelsizdik dańǵylyndaǵy jańa kópirdegi qozǵalys bir kún buryn ashyldy. Jospar boıynsha kópir 30 qazanda ashylýy tıis edi, dep habarlaıdy Kazinform.
Atap aıtqanda, kópir segiz jolaqty, ıaǵnı tórteýi bir jaǵynda, qalǵan tórteýi qarsy qozǵalysqa arnalmaq. Kópir ústinde synaq 25 qazan kúni bastaldy. Kópirdiń jaı-kúıin baqylap, jaǵdaıdy nazarda ustaý úshin tıisti kórsetkishti beretin sensorlar ornatyldy. Ondaǵy abattandyrý jumysy kóktemge deıin jalǵasady.
Bul kópir ózge kóshelerge túsetin kúshti edáýir jeńildetýge múmkindik beredi: sol jaǵalaýdy Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshitimen, Baıtursynov, Qordaı, Aınakól kóshelerimen, Momyshuly dańǵylymen jáne basqa da qosymsha baılanysty qamtamasyz etedi.
Budan buryn jańa kópir 30 qazan kúni ashylatyny habarlanǵan edi.
