Elordada Táýelsizdik dańǵyly men Sh. Qaldaıaqov kóshesiniń qıylysy ýaqytsha jabylady
ASTANA. KAZINFORM — Táýelsizdik dańǵylynyń Sh. Qaldaıaqov kóshesinen J. Nájimedenov kóshesine deıingi ýchaskede jol tósemine jóndeý jumystary júrgiziletini týraly habarlaımyz. Osyǵan baılanysty, aǵymdaǵy jyldyń 22-23 mamyr kúnderi atalǵan ýchaskede kólik qozǵalysy ishinara shekteledi. Bul týraly «City Transportation Systems» JShS málim etti.
— Sonymen qatar, 22 mamyr kúni saǵat 21:00–den 23 mamyr kúni saǵat 08:00–ge deıin Táýelsizdik dańǵyly men Sh. Qaldaıaqov kóshesiniń qıylysy tolyq jabylady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz, — delingen habarlamada.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
— Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen «City Transportation Systems» JShS habarlamasynda.
Buǵan deıin búgin elordada eki avtobýstyń qoǵalys baǵyty ýaqytsha ózgergenin jazdyq.
Elordada sondaı-aq Kereı Jánibek handary kóshesiniń Á. Bókeıhan kóshesinen Sh. Murtaza kóshesine deıingi ýchaskede jol tósemine ortasha jóndeý jumystary júrgiziledi. Osyǵan baılanysty, aǵymdaǵy jyldyń 21-25 mamyr aralyǵynda atalǵan ýchaskede qozǵalys tolyqtaı jabyldy.
