Elordada «Táýelsizdik dastany» atty erekshe kontserti ótti

NUR-SULTAN. QazAqparat – Elordada Táýelsizdiktiń 30 jyldyǵyna arnalǵan «Táýelsizdik dastany» merekelik kontserti ótti, dep habarlaıdy QazAqparat tilshisi.

«Táýelsizdik dastany» – egemen Qazaqstannyń 30 úzdik hıt áni oryndalatyn mýzykalyq mıýzıkl.

«Elimiz táýelsizdiktiń besiginde terbelgeli 30 jyl. Bul – ulttyń rýhyn kóteretin, urpaqtyń mereıin ósiretin mártebeli meıram. Merekelik shara barysynda beınelerdi ózgertý arqyly mýzykalyq estradalyq mádenıetimizdiń qalyptasý kezeńderi (1991 jyldan búgingi kúnge deıin) kórsetildi. Táýelsizdik jyldaryndaǵy án mádenıetin beıneleıtin merekelik kontsertte otandyq estrada juldyzdary óner kórsetti», - deıdi uıymdastyrýshylar.

Atap aıtqanda, kontsertte Táýelsizdik jyldaryndaǵy mádenıet salasyndaǵy jetisterge ekpin qoıyldy. Osy oraıda óner qaıratkerleri 30 jyl ishindegi eń tanymal ánderdi shyrqady.